اسلام آباد ( نوائے وقت رپو رٹ )کے پی کے پولیس ہیڈ کوارٹرز میں منعقدہ ایک سادہ مگر پروقار تقر یب کے دوران کے پی کے پولیس اورہدف گروپ آ ف کالجز، الائیڈ اسکولز،ایفا سکولز سسٹم کے مابین مفا ہمتی یادداشت پر دستخط کئے گئے۔ڈی آئی جی خیبر پختونخوا  رائے بابرسعید اور ہدف گروپ آف کالجز کے ایگزیکٹو ڈا ئریکٹرسہیل افضل نے مفاہمتی یاداشت پر دستخط کئے۔
 اس موقع پر آئی جی پولیس کے پی کے جناب معظم جاہ انصاری کے علاوہ دونوں اداروں کے ا علیٰ عہدیداران بھی موجود تھے۔معا ہدے کے تحت ہدف گروپ آف کالجز، الائیڈ سکولز اور ایفا سکولزکے پی کے پولیس کے شہداء کے بچوں کے لیے فیس میں 100% جبکہ زخمی ہونے والے پولیس اہلکاروں کے بچوں کو50% اور پولیس کے دیگرحاضر سروس ملازمین کے بچوں کو 30% رعایت دے گا ۔ تقریب کے اختتام پریادگاری شیلڈز اورسووینئرز کا تبادلہ بھی کیا گیا۔