خانیوال (نمائندہ خصوصی‘ نیوز رپورٹر)ڈپٹی کمشنر/ایڈمنسٹریٹر میونسپل کمیٹی خانیوال عمر افتخار شیرازی کی زیر نگرانی شہر میں پارکوں کی بحالی اور سڑکوں،چوکوں کو چمکانے کا کام تیز کردیا گیا۔یوسف پارک کی تزئین و آرائش کے کام کے دوران آبشار اور فوارہ کی بحالی کا کام بھی شروع کردیا گیا مرمت،رنگ و روغن ڈسٹ بنز کی تنصیب کے کام بھی پایہ تکمیل کے قریب ہیں۔ڈپٹی کمشنر نے کام کا جائزہ لینے کے لئے یوسف پارک کا دوبارہ وزٹ کیا اور چیف آفیسر میونسپل کمیٹی کو کام ہر صورت 15 اکتوبر تک مکمل کرنے کی ڈیڈ لائن دیدی مزید برآں میونسپل کمیٹی خانیوال نے شہر کے چوکوں کی دھلائی کا کام بھی شروع کردیا ہے لاہور موڑ پر مانومنٹس،رضائے مصطفی سمیت دیگر چوکوں کی واشنگ کرلی گئی ہے جبکہ ریلوے انڈر پاس کی بھی خصوصی صفائی کیساتھ شہر کی سڑکوں کے درمیان ڈیوائیڈر سے جڑی بوٹیوں کا بھی صفایا کردیا گیا ہے۔