شیخوپورہ (نمائندہ خصوصی+ نمائندہ نوائے وقت) شیخوپورہ میں واقع مغلیہ خاندان کی قدیم سیر گاہ ہرن مینار میں سالانہ مچھلی کے شکار کا آل پاکستان ٹورنامنٹ 2 اکتوبر 2022 بروز اتوار کو منعقد کیا جا رہا ہے۔ جس کےلئے پنجاب ٹورازم ڈویلپمنٹ کارپوریشن لاہور کے تعاون اور شیخوپورہ اینگلرز ایسوسی ایشن کے زیر اہتمام ہو گا۔ ان خیالات کا اظہار ٹورنامنٹ کے چیف آرگنائزر ڈاکٹر اسلم خان شیروانی نے حماد سعید خان ترین اور طاہر حسین کے ہمراہ صحافیوں سے گفتگو کرتے کیا۔ٹورنامنٹ میں صوبائی وزیر قانون خرم شہزاد ورک ،کنور عمران سعید ، اسلم خان شیروانی، سہیل احمد خان بطور مہمان خصوصی شرکت کریں گے۔