لاہور(سپورٹس رپورٹر) پاکستان کرکٹ بورڈ کے زیر اہتمام قائد اعظم ٹرافی کے سلسلہ میں کھیلے گئے میچز میں بلوچستان نے خیبر پی کے کو‘ناردرن نے سدرن پنجاب کو شکست دیدی ۔ سنٹرل پنجاب اور سندھ کے درمیان میچ ڈرا ہو گیا ۔ بلوچستان نے خیبر پی کے کی ٹیم کو 134رنز سے شکست دیدی ۔ بلوچستان نے پہلی اننگز میں 473رنز بنائے جبکہ دوسری اننگز 187رنز پانچ کھلاڑی آﺅٹ پر ڈکلیئر کر دی ۔ جواب میں خیبر پی کے ٹیم نے پہلی اننگز میں 291اور دوسری میں 235رنز بنائے۔ ناردرن نے سدرن پنجاب کو دس وکٹوں سے شکست دیدی ۔ ناردرن ٹیم نے پہلی اننگز میں 529رنز 5کھلاڑی آﺅٹ پر ڈکلیئر کی ۔ دوسری میں بغیر کسی نقصان کے 8رنز بناکر میچ جیت لیا ۔ سدرن پنجاب کی ٹیم نے پہلی اننگز میں 269رنز بنائے اور فالو آن کا شکار ہوئی ۔ دوسری میں 265رنز بنائے ۔ سنٹرل پنجاب نے پہلی اننگز میں 428اور دوسری اننگز 277رنز 9کھلاڑی آﺅٹ پر ڈکلیئر کی ۔ سندھ نے پہلی اننگز میں 368اور دوسری میںچار وکٹوں پر 132رنز بنائے ۔