ٹی ٹونٹی پاور پلے میں پاکستان  کیخلاف انگلینڈ کا نیا ریکارڈ 

لاہور(سپورٹس رپورٹر)ٹی ٹونٹی سیریز کے چھٹے میچ کے انگلینڈپہلے پاور پلے(6 اوورز) میں پاکستان کے خلاف سب سے زیادہ رنز سکور کرنے والی ٹیم بن گئی۔مہمان ٹیم نے ایک وکٹ پر 82 رنز بنائے۔یہ پاکستان کے خلاف کسی بھی ٹیم کا ٹی ٹونٹی میچ کے پہلے پاور پلے میں سب سے زیادہ بنایا جانے والا سکور ہے۔ پاکستان کی سرزمین پر بھی یہ پاور پلے کا سب سے زیادہ سکور ہے، اس سے قبل پی ایس ایل میں اسلام آباد یونائیٹڈ نے 81رنز بنائے تھے۔
حیدر علی کی طبیعت ناساز، ہسپتال لے جایا گیا
 لاہور(سپورٹس رپورٹر) قومی ٹیم فاسٹ باﺅلر نسیم شاہ کے بعد نوجوان بیٹر حیدر علی وائرل انفیکشن کا شکار ہوگئے ہیں، انہیں چھٹے ٹی 20 میچ کے بعد طبیعت خراب ہونے پر ہسپتال منتقل کیا گیا جہاں وہ رات گزاریں گے اور ڈاکٹر ا±ن کا مکمل چیک اپ کریں گے۔حیدر علی نے جمعہ کو کھیلے گئے میچ میں شرکت کی تاہم وہ قابل ذکر بیٹنگ کا مظاہرہ کرنے میں کامیاب نہیں ہوسکے۔