لاہور (نمائندہ خصوصی) ڈاکوؤں نے لاہور میں متعدد شہری لاکھوں روپے، زیورات اور دیگر سامان سے محروم کر دیئے۔ کوٹ لکھپت میں ڈاکوؤں مزاحمت پر سرفراز کو فائرنگ کر کے زخمی کرنے کے بعد 50ہزار روپے لوٹ لئے، لیاقت آباد میں 2ڈاکوئوں نے مصطفی اور اس کے والد کو اسلحہ کے زور پر لوٹنے کی کوشش کی اس دوران مصطفی نے بہادری کا مظاہرہ کرتے ہوئے ایک ڈاکو کو دبوچ لیا جبکہ اس کا ساتھی فرار ہو گیا۔ شور سن کر اہل علاقہ کی بڑی تعداد موقع پر جمع ہو گئی اور پکڑے گئے ڈاکو کو تشدد کا نشانہ بنانے کے بعد پولیس کے حوالے کر دیا، ہیئر کے علاقے میں ڈاکو امجد، تنویر سے 3 لاکھ  و موبائل فون، مصری شاہ میں حسن سے گن پوائنٹ پر پچاس ہزار  اور موبائل فون، ٹبی سٹی  میں غلام شبیر سے 45 ہزار روپے و موبائل فون ہاشم سے موبائل فون، ہربنس پورہ میں نوید سے ایک لاکھ  و موبائل فون تجمل سے ڈیڑھ لاکھ موبائل فون سمن آباد میں اسرار سے گن پوائنٹ پر90 ہزار اور موبائل فون،کاہنہ میں عمران 1 لاکھ اور موبائل فون چھین لیا گیا، گرین ٹائون، فیکٹری ایریا، باغبانپورہ، برکی، ڈیفنس سے کاریں اور لٹن روڈ، شیراکوٹ، نولکھا، مصطفی ٹاون، چوہنگ سے موٹرسائیکلیں چوری ہو گئیں۔