حافظ آباد: خانپورہ ویلفیئر سوسائٹی کے زیر اہتمام آمد مصطفے ؐموٹر سائیکل ریلی 

حافظ آباد(نمائندہ نوائے وقت+ نمائندہ خصوصی+ نامہ نگار) خانپورہ ویلفیئر سوسائٹی کے زیر اہتمام آمد مصطفے ؐموٹر سائیکل ریلی ریلوے پھاٹک خانپورہ سے نکالی گئی جس کی قیادت مولانا رانا عثمان اصغر چشتی، میں امین انصاری کونسلر، ملک شاہد ، سعید انجم ایڈوکیٹ اور صوفی اخلاق رضوی نے کی۔ ریلی شہر کی مختلف شاہرائوں سے ہوتے ہوئے فوارہ چوک پر اختتام پزیر ہوئی ۔ شہریوں نے شرکاء ریلی پر جگہ جگہ پھلوںکی پتیاں نچھاور کیں۔اس موقع پر شرکاء ریلی سے خطاب کرتے ہوئے مولانا رانا محمد عثمان اصغر چشتی نے کہا کہ حضور نبی کریم ؐ کی آمد سے دنیا سے جہالت کے اندھیرے اور تاریکیاں ہمیشہ ہمیشہ کے لئے مٹ گئیں۔اور آپؐ نے دنیا میں ایک ایساانقلاب برپا کیا جس سے انسانیت کو ایک زندگی ملی۔