لاہور(خصوصی نامہ نگار) حمایت اسلام دارالشفقت میں عید میلادالنبی کی روح پرور تقریب صدر انجمن حمایت اسلام سیّد ضیا حیدر رضوی کی صدارت میں منعقد ہوئی، جس میں تھائی ایئرویز انٹرنیشنل کے ڈائریکٹر لاہور آپریشن یوسف رضوی، نورنٹورن سکاسیم اور ویراچارٹ تیامتی کمپورن نے نبی آخرالزماں خاتم النبییّن کے جشنِ ولادت میں یتامیٰ کو مٹھائیاں اور تحائف پیش کر کے خوشیوں میں اضافہ کیا۔ تقریب میں دارالعلومِ دینیہ کے طلبہ نے تلاوتِ قرآن مجید اور نعت خوانی کی، جب کہ سیکرٹری اسلامک ریسرچ سنٹر و لائبریری رفیع رضا کھرل نے نظامت کے فرائض انجام دئیے۔