پنک ربن ماہ شروع،شالامارہسپتال میں بریسٹ کینسر سنٹر کا افتتاح

لاہور(نیوز رپورٹر)شالامارہسپتال میں جدید بریسٹ کلینک کا با قاعدہ افتتاح کر دیا گیا۔ون سٹاپ بریسٹ کلینک خواتین کے صحت مرکز کانمایاں حصہ ہے جو جان ہاپکنز انٹرنیشنل کے تعاون سے قائم کیا گیا ہے۔ افتتاحی تقریب میں لاہور میں امریکی قونصل جنرل کرسٹن ہاکنز نے خصوصی شرکت کی۔ ون سٹاپ بریسٹ کلینک خواتین کو چھاتی کے کینسر سے متعلق تمام مسائل کا مکمل حل فراہم کرے گا۔ اس سنٹر میں چھاتی کے کینسر کی تشخیص کی جدید سہولیات دستیاب ہیں اور اس کے ساتھ مرض کا مکمل علاج بھی فراہم کیا جائے گا۔