لاہور( نیوز رپورٹر)پاکستان پیپلز پارٹی گلف کے صدر میا ں منیر ہانس نے کہا ہے کہ آئندہ انتخابات میں چیئرمین پیپلزپارٹی بلاول بھٹو زرداری کا ٹکٹ کامیابی کی ضمانت ہوگا۔ عام انتخابات جلد کرائے جائیں۔ سب کو پتہ چل جائے گا عوام میں کون مقبول ہے۔ انہوںنے کہا کہ جعلی سروے کے ذریعے مقبولیت کا پیمانہ جاری کرنا دھوکہ دہی اور فراڈ کے سوا کچھ بھی نہیں ہے۔ نوجوان عوامی لیڈر چیئرمین بلاول بھٹو زرداری چاروں صوبوں آزاد کشمیر اور گلگت بلتستان میں یکساں مقبول ہے۔