نوشہرہ ورکاں (نمائندہ نوائے وقت) جمعیت اشاعت توحید وسنت کے زیر اہتمام جامع مسجد فاروق اعظم کڑیال چونگی میں خاتم النبیین کانفرنس منعقد ہوئی، جس سے مفتی محمد عمر آف رحیم یار خان اور مقامی علمائے کرام مولانا تنویر الرحمن، حافظ شیخ محمد بلال، قاری دلاور حسین نے خطاب کرتے ہوئے کہا کہ آپ امام الانبیاءخاتم الرسل ہیں، ہر الہامی کتاب میں آپ کی شان و عظمت کا تذکرہ ہے، اللہ تعالیٰ کے بعد آپ کائنات کی سب سے عظیم ہستی ہیں، عشق مصطفی ہم سے تقاضا کرتا ہے کہ ہم اپنی زندگیوں کو اسوہ حسنہ کے مطابق بنائیں اسی میں دنیا و آخرت کی کامیابی ہے۔