گلاسگو (نوائے وقت رپورٹ) برطانیہ میں بھارتی ہائی کمشنر کو اسکاٹ لینڈ میں گورو دوارے میں داخل ہونے سے روک دیا گیا۔بھارتی میڈیا کے مطابق برطانیہ میں بھارت کے ہائی کمشنر اسکاٹ لینڈ کے شہر گلاسگو میں واقع گورودوارے میں پہنچے تاہم انہیں اندر داخل نہیں ہونے دیا گیا۔بھارتی ہائی کمشنر کو سکھ نوجوانوں نے گورو دوارے کی پارکنگ میں ہی روک دیا۔ بھارتی ہائی کمشنر نے گاڑی سے اترنے کی کوشش کی تاہم سکھ نوجوانوں نے انہیں گورودوارے کی جانب جانے سے روک دیا گیا جس کے بعد وہ واپس روانہ ہوگئے۔