لاہور (سپورٹس رپورٹر)پاکستان اور انگلینڈ کے درمیان 3 میچوں کی ٹیسٹ سیریز کے آن لائن ٹکٹ کی فروخت کا آغاز گزشتہ روز ہو گیا۔ شائقین کرکٹ کی سہولت کیلئے فزیکل ٹکٹ 4 اکتوبر سے مختلف آٹ لیٹس سے خریدنے کیلئے دستیاب ہونگے۔ پاک انگلینڈ سیریز آئی سی سی ورلڈ ٹیسٹ چیمپئن شپ کا حصہ ہے جس کا پہلا اور دوسرا ٹیسٹ میچ 7سے 19 اکتوبر تک ملتان کرکٹ سٹیڈیم  میں کھیلا جائے گا۔ تیسرا ٹیسٹ میچ 24 سے 28 اکتوبر تک راولپنڈی کرکٹ سٹیڈیم میں کھیلا جائے گا۔ پہلے دن جنرل انکلوژرز حنیف محمد اور مشتاق احمدکا داخلہ مفت ہوگا ۔