انڈیا چیمپئنز ٹرافی کیلئے پاکستان آئے گا؟ فیصلہ حکومت نے کرنا ہے :راجیو شکلا

لاہور(سپورٹس رپورٹر) بھارتی کرکٹ ٹیم آئی سی سی چیمپئنز ٹرافی کیلئے پاکستان آئے گی یا نہیں؟۔ بی سی سی آئی کے نائب صدر راجیو شکلا نے گزشتہ روز بھارت اور بنگلادیش کے درمیان کانپور ٹیسٹ کے موقع پر میڈیا سے گفتگو میں کہا چیمپئنز ٹرافی کیلئے پاکستان جانے کا فیصلہ حکومتی منظوری سے ہوگا تاہم ابھی تک اس حوالے سے کوئی فیصلہ نہیں ہوا۔م بین الاقوامی دوروں کیلئے ہمیشہ حکومت سے اجازت لیتے ہیں۔ حکومت پر منحصر ہے کہ فیصلہ کرے کہ بھارتی ٹیم کو کس ملک میں جانا چاہئے یا نہیں جانا چاہئے۔ حکومت جو بھی فیصلہ کرے گی ہم اس کی پابندی کریں گے۔