حمایت کا شکریہ‘تاجروں کے اعتماد پر پورا اتروں گا:حافظ محموداحمد شاد

وہاڑی(بیورورپورٹ)  چیمبر آف کامرس کی سالانہ جنرل میٹنگ اور ڈنر کا اہتمام کیا گیا جس میں کثیر تعداد میں ممبران نے شرکت کی ،تقریب میں سابق صدر صوبائی وزیر ایس ایم تنویر بھی شریک ہوئے۔نو منتخب صدر چیمبر آف کامر س حافظ محمود احمد شاد نے خطاب کرتے کہا تاجروں کے اعتماد پر پورا اتروں گا، مسائل ترجیحی بنیادوں پر حل کرائیں گے، انہوں نے کہا  تاجروں نے جس طرح کامرس الیکشن میں بڑھ چڑھ کر حصہ لیا اور میری حمایت کی اس پر میں ان سب کا بیحد مشکورہوں انشاء اللہ انہیں مایوس نہیں کروں گا۔ تقریب میں ممبر چیمبر آف کامرس سماجی رہنما نوشین ملک و دیگر مہمانوں کو شیلڈز تقسیم کی گئیں۔ اس موقع پر نوشین ملک نے چیمبر کے نو منتخب صد رحافظ محمود احمد شاد کو مبارکباد دی۔