شیخوپورہ (نامہ نگارخصوصی) پیپلز پارٹی کے نائب صدر آصف الیاس گل اور کاشف گیلانی نے کہا ہے کہ پیپلزپارٹی جمہوری روایات کی امین سیاسی قوت ہے قائد عوام شہید ذوالفقار علی بھٹو نے پاکستان کو متفقہ آئین اور ناقابل تسخیر دفاع کی پیش بندی میں ایٹمی پروگرام اور کامیاب ترین خارجہ پالیسی دی، دختر مشرق بینظیر بھٹو نے ملک میں جمہوریت کیلئے عظیم جدوجہد کی اور اب بھی پیپلز پارٹی ملکی استحکام و ترقی کی خاطر برسر پیکار ہے اور عوامی خدمت کی خاطر بھرپور کردار ادا کرے گی۔ ان خیالات کااظہارانہوںنے صحافیوں سے گفتگو کے دوران کیا ۔