فیروز والہ؍ پیر محل (نامہ نگار) بجلی چوروں کیخلاف لیسکو اور فیسکو کی کارروائیاں گزشتہ روز بھی جاری  رہیں۔ تفصیلات کے مطابق لیسکو کی رچنا ٹاؤن اور محمود بوٹی  ٹیم نے مرل پار، بھینی پار، سنت پورہ اور دیگر مقامات پر چھاپے مار کر بجلی چوری کرتے ہوئے پندرہ افراد کو پکڑ لیا۔ فیروز والا پولیس نے اسلام، طارق، سجاد،  اختر علی، عارف وغیرہ کے خلاف مقدمہ درج کرلیا جبکہ میاں پارک رچنا ٹاؤن اور ملکہ علاقہ میں چھاپے مار کر بجلی چوری کرتے ہوئے چھ افراد کو پکڑ لیا۔ فیروز والہ پولیس نے مدثر، اکرم اور خالد جاوید وغیرہ کے خلاف مقدمات درج کر لئے۔ دریں اثناء پیر محل میں فیسکو کی ٹاسک فورس ٹیموں نے اچانک چھاپے مارتے ہوئے 2 صارفین امتیاز ساکن  739 گ ب اور اظہر ساکن  742 گ ب کو مبینہ  بجلی چوری کرتے ہوئے رنگے ہاتھوں پکڑ لیا۔  اور مقدمات درج کرا دیئے۔