پیرمحل: شوہر سے جھگڑا، زہر دے کر 2 کمسن بیٹیاں مار ڈالیں

پیرمحل (نامہ نگار) میاں بیوی کے جھگڑے نے دو بچیوں کی جان لے لی۔ تفصیلات کے مطابق 748 گ ب میں آمنہ بی بی نامی خاتون نے شوہر غلام شبیر کے جھگڑوں سے دلبرداشتہ ہوتے ہوئے دودھ میں کالا پتھر ملا کر اپنی دو بیٹیوں 13 سالہ انعم اور 8 سالہ مصباح کو پلا دیا۔ بچیوں کو مخدوش حالت کے پیش نظر زہر سے متاثرہ بچیوں کو الائیڈ ہسپتال فیصل آباد ریفر کر دیا گیا جہاں دونوں بہنیں زندگی کی بازی ہار گئیں۔ اروتی پولیس نے ملزمہ آمنہ بی بی کو گرفتار کر لیا۔