پنجاب میں پاور شیئرنگ فارمولے پرپیشرفت نہیں ہو سکی: علی حیدر گیلانی 

لاہور (نیوز رپورٹر) پنجاب اسمبلی میں پیپلز پارٹی کے پارلیمانی لیڈر علی حیدر گیلانی نے کہا ہے کہ پیپلز پارٹی پاور شیئرنگ فارمولے پر قائم ہے، مسلم لیگ ن سیاسی وعدوں کی پاسداری نہیں کر تی۔ اپنے چیمبر میں ایم۔پی اے شازیہ عابد کیساتھ میڈیا سے غیررسمی بات چیت کرتے ہوئے کہا کہ چند قوتیں پیپلز پارٹی اور مسلم لیگ ن کے درمیان دوری پیدا کرنے کی کوشش کر رہی ہیں، پنجاب میں پاور شیئرنگ فارمولے پر تحریری معاہدے کے باوجود کوئی پیشرفت نہیں ہو سکی۔ بڑی انائیں چھوڑ کر آگے بڑھنا ہو گا۔ گورنر پنجاب اور حکومت پنجاب کے درمیان وائس چانسلر کی تقرری پر اختلاف نہیں ہونا چاہیے تھا‘ دونوں مل کر بیٹھتے تو معاملہ حل ہو سکتا تھا، گورنر پنجاب کا آئینی رول ہے جسے تسلیم کرنا چاہیے۔