پولیس کے مطابق ٹریفک کا یہ حادثہ سی ویو جانے والے روڈ خیابان شمشیر پر دو گاڑیوں کے درمیان ریس لگانے کے دوران پیش آیا، دونوں گاڑیاں ریس کے دوران آپس میں ٹکرانے کے بعد فٹ پاتھ پر چڑھ دوڑیں ۔ ایک تیسری گاڑی کا ڈرائیور بھی قابو نہ رکھ سکا اور وہ بھی حادثے کا شکار ہوگئی جس کے نتیجے میں تین خواتین موقع پر جاں بحق ہوئیں جبکہ ایک شخص بعد میں زخموں کی تاب نہ لاتے ہوئے چل بسا ۔ حادثے میں دو بچوں سمیت تین افراد ذخمی ہو گئے، زخمیوں کو فوری طور جناح اسپتال منتقل کر دیا گیا ہے جہاں ان کی حالت خطرے سے باہر بتائی جاتی ہے۔