سیلابی ریلا ضلع قمبر شہدادکوٹ کے علاقے نصیر آباد اور ضلع لاڑکانہ کے شہروں باڈہ اور وارہ کی جانب بڑھ رہا ہے۔ گاجی کھاوڑ میں تین حفاظتی بند بہہ جانے سے پورا علاقہ اور سیم کینال میں پڑنے والے شگاف سے گوٹھ جلبانی سمیت تیرہ دیہات زیرآب آچکے ہیں۔  دوسری جانب شہداد کوٹ کے عارضی حفاظتی بند پر سیلاب کا شدید دباؤ ہے۔  
لاڑکانہ کے قریب سیم کینال میں پڑنے والے شگافوں کو اب تک ُپرنہیں جاسکا جس کے باعث تیرہ دیہات زیرآب آچکے ہیں۔ اُدھر ٹھٹھہ کی تحصیل سجاول میں انتظامیہ کی جانب سے پھنسے لوگوں کو نکالنے کے لئے تاحال کوئی اقدامات نہیں کئے گئے اور لوگ اپنی مدد آپ کے تحت محفوظ مقامات کی جانب منتقل ہو رہے ہیں۔ دوسری طرف نوابشاہ کے قریب مڈمنگلی، میکاروڈھورو، لاکھاٹ اور بچل پور بندوں پر پانی کی سطح میں کمی آرہی ہے۔