کھٹمنڈو (این این آئی) دسویں مینز ساف فٹ بال چیمپئن شپ میں پاکستانی ٹیم (آج) اتوار کو روایتی حریف بھارت کےخلاف میچ سے مہم کا آغاز کرےگی۔ ساف فٹ بال چمپئن شپ میں نیپال میں شروع ہو گئی ہے، چمپئن شپ میں آٹھ ممالک کی ٹیمیں حصہ لے رہی ہیں جنہیں دو مختلف گروپس اے اور بی میں تقسیم کیا گیا ہے، گروپ اے میں میزبان نیپال، بنگلہ دیش، پاکستان اور بھارت جبکہ گروپ بی میں افغانستان، بھوٹان، مالدیپ اور سری لنکا شامل ہیں۔ پاکستانی ٹیم ایونٹ میں اپنا پہلا گروپ میچ آج اتوار کو بھارت کے خلاف کھیلے گی، گرین شرٹس ایونٹ میں اپنا دوسرا گروپ میچ 3 ستمبر کو نیپال جبکہ تیسرا اور آخری گروپ میچ 5 ستمبر کو بنگلہ دیش کے خلاف کھیلے گی۔ ایونٹ کے سیمی فائنلز 8 اور 9 ستمبر کو کھیلے جائیں گے جبکہ فائنل میچ 11 ستمبر کو دو ٹاپ ٹیموں کے درمیان کھیلا جائےگا۔