آرٹس کونسل میں صابری سسٹرز کی محفل قوالی

کراچی (کلچرل رپورٹر) آرٹس کونسل اور ایس ایس پروڈکشن کے تعاون سے صابری سسٹرز کی رنگا رنگ محفلِ قوالی کا اہتمام گزشتہ شب آرٹس کونسل کراچی میں کیا گیا جس میں ملک کے مشہورومعروف قوال امجد صابری (مرحوم )کی چھوٹی بہن ثمن صابری اورانعمتہ صابری (صابری سسٹرز) نے اپنے فن کا مظاہرہ کیا ۔اس موقع پر چیئرمین یوتھ کمیٹی اسجد بخاری نے کہا کہ آرٹس کونسل ایک تاریخ ساز ادارہ ہے ۔ اسجد بحاری نے کہا کہ یہ ایک پر مسرت بات ہے کہ ایک بڑے نامور قوال خاندان کے چشم و چراغ اپنے ورثا کے فن کو فروغ دینے کے لیے گامزن ہیں۔