لاہور(شوبز ڈیسک+نوائے وقت رپورٹ) بھارتی اداکارہ جوہی چاؤلہ کراچی میں موجود ہیں۔ انہوں نے کراچی آمد سے متعلق ٹوئٹر اکاؤنٹ پر لکھا کہ ’’اس وقت کراچی میں موجود ہوں اور اپنے دوستوں اور گھروالوں کے ساتھ بوٹ کلب پر لنچ کرنے آئی ہوں، اس کے بعد ہم فلم دیکھنے جائیں گے۔جوہی چاؤلہ نے بتایا کہ وہ اپنے دوستوں اور گھر والوں کے ساتھ حال ہی میں ریلیز ہوئی فلم ’جوانی پھرنہیں آنی2‘ دیکھنے سینما جائیں گی۔ اتفاق سے یہ فلم پاکستانی لڑکے اور بھارتی لڑکی کے درمیان محبت کی کہانی کے گرد گھومتی ہے۔واضح رہے کہ یہ پہلی بار نہیں کہ جوہی چاؤلہ پاکستان کے شہر کراچی آئی ہیں بلکہ اس سے قبل بھی وہ کئی بار پاکستان خصوصاً کراچی کا دورہ کرچکی ہیں۔ آخری بار جوہی چاؤلہ 2016 میں اپنے رشتے داروں کی شادی میں شرکت کے لیے آئی تھیں۔جوہی چاولہ رشتہ داروں سے ملنے کے بعد ابو ظہبی روانہ ہو گئیں ۔انہوں نے پاکستانی کھانے کھائے اور فلم دیکھنے کا موقع ملا ‘انہوںنے کہا کہ پاکستانی فنکا ر بہت اچھا کام کر رہے ہیں ۔