آل پاکستان شائولن تائیچی کنگفو چیمپئن شپ آج کھیلی جائے گی

اسلام آباد (سپورٹس رپورٹر)آل پاکستان شالن تاچی کنگفو چیمپئن شپ آج اتوار کو شہباز شریف سپورٹس کمپلیکس راولپنڈی میں کھیلی جائے گی۔ چیمپئن شپ کا افتتاح راولپنڈی کک باکسنگ ایسوسی ایشن کے صدر ملک فضل الرحمن کریں گے جبکہ اختتامی تقریب کے مہمان خصوصی محبوب شاہ ہوں گے ۔چیمپئن شپ کے چیف آرگنائزر عمران علی نے بتایاکہ چیمپئن شپ کے تمام انتظامات مکمل کر لئے گئے اور چیمپئن شپ میں ملک بھر سے مرد اور خواتین کھلاڑی مختلف ویٹ کیٹگریز کے مقابلوں میں حصہ لے رہے ہیں جن میں 40 کلو گرام، 45 کلو گرام، 50 کلوگرام، 55 کلوگرام، 60 کلوگرام، 65 کلوگرام، 70 کلو گرام، 75 کلو گرام، 80 کلو گرام اور 90 کلوگرام شامل ہیں۔ چمپئن شپ کی اختتام پر فاتح کھلاڑیوں میں انعامات تقسیم کئے جائیں گے۔