لاہور+ کمالیہ+ بہاولپور (نامہ نگاران+این این آئی) لاہور سمیت پنجاب کے شہروں کمالیہ، بہاولپورو دیگر میں بارش سے موسم خوشگوار ہوگیا، ۔تفصیلات کے مطابق لاہور میں گزشتہ روز علی الصبح تیز ہوائیں چلنے کے ساتھ موسلا دھار بارش ہوئی جس سے حبس اور گرمی کی شدت میں کمی آگئی۔ صوبے کے دیگر کئی شہروں کمالیہ، بہاولپور میں بھی بارش ہوئی جس سے موسم کی شدت میں کمی ہوئی ہے ۔بارش سے کئی علاقوںمیں بجلی کا ترسیلی نظام متاثرہونے سے بجلی بند رہی۔ادھر بہاولپور میں بارش کے باعث بوسیدہ دیوارگرنے سے ایک شخص جاں بحق ہو گیا جبکہ ایک زخمی ہو گیا ہے، بارش کے باعث بہاول پور کے علاقے گوٹھ باجن میں شدید بارش کے باعث بوسیدہ دیوار گرگئی۔ جس سے ایک شخص جاں بحق جبکہ ایک زخمی ہوگیا۔ گذشتہ روز کمالیہ شہر اور گردونواح میں تیز آندھی کے ساتھ بارش ہوئی، جبکہ دن بھر بادل چھائے رہے ۔