لاہور (نامہ نگار ) تھانہ فیکٹری ایریا کے علاقہ میں نامعلوم جیب تراش نے صدر شامی پارک مارکیٹ چونگی امرسدھو کو ایک لاکھ پینتالیس ہزار کا چونا لگا کر رفو چکر ہو گیا ۔ تھانہ فیکٹری ایریا کی چوکی پنجاب سوسائٹی کا علاقہ جیب تراشوں کی آماجگاہ بن گیا۔ صدر شامی پارک مارکیٹ چونگی امرسدھو حاجی محمد اقبال مدینہ بازار کے نو منتخب صدر کو مبارکباد دینے گے بازار میں رش کے دوران نامعلوم جیب تراش جیب سے ایک لاکھ پینتالیس ہزار روپے نکال کر فرار ہو گیا ۔پولیس نے مقدمہ کی درخواست پرجیب تراش کی تلاش شروع کر دی۔