وزیراعلیٰ پنجاب چودھری پرویز الٰہی کا بابائےحریت سید علی گیلانی شہید کے پہلے یوم شہادت پر پیغام جاری کیا ہے۔
چودھری پرویز الٰہی نے کہا کہ سید علی گیلانی شہید کی آزادی کشمیر کے لئے جدوجہد کو الفاظ میں بیان نہیں کیا جاسکتا ۔سید علی گیلانی شہید نے اپنی زندگی آزادی کشمیر کے لئے وقف کر رکھی تھی۔ بھارتی ظلم وستم کے سامنے حریت رہنما سید علی گیلانی چٹان کی طرح ڈٹے رہے ۔آزادی کشمیر کے لئے سید علی گیلانی شہید کی بے مثال خدمات تاریخ آزادی کشمیر کا روشن باب ہے۔سید علی گیلانی شہید نے آزادی کشمیر کی تحریک کو نئی جلا بخشی ۔آزادی کشمیر کے لئے سید علی گیلانی شہید کی عظیم خدمات کو کبھی فراموش نہیں کیا جاسکتا۔سید علی گیلانی شہید کی مقبوضہ جموں و کشمیر کی آزادی کے حوالے سے قربانیوں کو ہمیشہ یاد رکھا جائے گا۔