ستمبر اور اکتوبر میں کیا ہونے والا ہے؟ شیخ رشید کےانکشافات

راولپنڈی : عوامی مسلم لیگ کے سربراہ شیخ رشید نے پیش گوئی کی ہے کہ ستمبراوراکتوبرسیاسی بھونچال لائیں گے۔شریف خاندان کے حوالے سے شیخ رشید کا کہنا تھا کہ نواز شریف کےراستےکی رکاوٹ شہبازشریف خودبنیں گے۔ ٹوئٹر پر اپنے بیان میں کہا کہ ستمبراوراکتوبر ستم گر مہینےہیں یہ سیاسی بھونچال لائیں گے۔انھوں نے خبر دار کیا کہ سیلاب کے بعد غذائی اور وبائی بحران آئے گا۔شیخ رشید کا کہنا تھا کہ ن اورش ہی آمنےسامنےنہیں پی ڈی ایم بھی ٹوٹ پھوٹ کاشکارہوگی ، تعیناتیاں،تنزلیاں،تبدیلیاں ،اہم عدالتی فیصلے انہی 2 مہینوں میں ہوں گے۔اس سے قبل اپنے ٹوئٹ میں سابق وزیر داخلہ نے کہا تھا کہ دنیا میں تیل کی قیمت گررہی ہیں اور حکومت ڈیزل 10 روپے اور بجلی4.5روپے مہنگی کررہی ہے۔شیخ رشید کا کہنا تھا کہ عوام کو بے زبان اور بے آوازسمجھنے والے پچھتائیں گے، غذائی قلت گوداموں اور دکانوں کو لوٹ کھائے گی۔