سبزہ زار، کاہنہ میں لڑکی سمیت 2 افراد نے خودکشی کر لی

لاہور (نامہ نگار) لاہور میں نوجوان لڑکی سمیت دو افراد نے مبینہ طور پر گلے میں پھندا لیکر خودکشی کر لی۔ سبزہ زار میں کھاڑک نالے کے قریب 22 سالہ نوجوان احسان نے نامعلوم وجوہات کی بناء  پر گلے میں پھندا لیکر زندگی کا خاتمہ کر لیا۔ کاہنہ کے علاقہ شہزادہ گاؤں میں 24 سالہ لڑکی ثناء نے گھریلو جھگڑے پر دلبرداشتہ ہو کر پنکھے سے چادر لٹکا کر اس سے گلے میں پھندا لے کر خودکشی کر لی۔ پولیس نے دونوں لاشیں قبضے میں لے کر پوسٹ مارٹم کے لیے مردہ خانے منتقل کر کے تفتیش شروع کر دی ہے۔