گکھڑمنڈی(نامہ نگار)ریسلنگ کلب لیاقت باجوہ پہلوان مرحوم منڈیالہ وڑائچ میں منشیات کیخلاف چلائی گئی مہم ’’صحت مند نوجوان ‘‘کے سلسلے میں چھوٹے بچوں کے مابین کشتیوں کے مقابلوں کا انعقاد کیا گیا، جس کی سرپرستی رستم پنجاب عدنان پہلوان انصاری نے کی، اس موقع پر ایس پی سول لائنز رضوان طارق مہمانِ خصوصی اور ایس ایچ او تھانہ کینٹ انسپکٹر عبدالرحمن مہمانِ گرامی تھے جنہوں نے بچوں کے فن پہلوانی کے دلچسپ مظاہرے دیکھے اور پہلوان بچوں کی حوصلہ افزائی کی اورعدنان پہلوان کی خدمات کو خراج تحسین پیش کیا۔