گاڑی سے 5 افراد کو کچلنے والا ملزم پولیس کے ہتھے چڑھ گیا

کراچی میں گلشن اقبال پولیس نے کارروائی کرتے ہوئے 5 افراد کو کچل کر زخمی کرنے والے ملزم کو گرفتار کرلیا۔ پولیس کے مطابق ملزم ایل ایل بی کا طالب علم ہے۔تفصیلات کے مطابق کراچی میں 27 اگست کو سڑک کنارے کھڑے پانچ افراد کو زخمی کرنے والے ملزم معاویہ کو پولیس نے گرفتار کر لیا۔ پولیس کے مطابق ملزم ایل ایل بی کا طالب علم ہے۔ ملزم ٹھیلے کے قریب کھڑے افراد کو گاڑی کے نیچے کچل کر فرار ہو گیا ہے، سوشل میڈیا پر واقعے کی ویڈیو وائرل ہونے کے بعد وزیراعلیٰ سندھ نے واقعے کا نوٹس لیا اور ملزم کی جلد گرفتاری کا حکم دیا، پولیس نے ویڈیو کی مدد سے گاڑی کا سراغ لگا کر ملزم کو گرفتار کرلیا، ملزم سے مزید تفتیش جاری ہے۔