لارڈز ٹیسٹ‘جوروٹ کی دوسری اننگز میں بھی سنچری ‘سری لنکا کو جیت کیلئے 483کاہدف‘2وکٹوں پر 53رنز بنالئے 

لاہور(سپورٹس رپورٹر)انگلینڈ کی ٹیم سری لنکاکیخلاف لارڈز میں کھیلے جارہے سیریز کے دوسرے ٹیسٹ میچ کی اپنی دوسری اننگز میں 251رنز بناکر آئوٹ ہوگئی ۔ جوروٹ نے دوسری اننگز میں سنچری سکور کی اور 103رنز بنائے ۔ اسیتھا فرنینڈو اور لہیرو کمارا نے تین تین کھلاڑیوں کوآئوٹ کیا ۔سری لنکن ٹیم کوجیت کیلئے 483رنز کاہدف ملا ہے ۔ مہمان ٹیم نے 2وکٹوں پر 53رنز بنائے ۔انگلینڈ نے پہلی اننگز میں 427اور سری لنکا نے 196رنز بنائے تھے ۔