لاہور(سپورٹس رپورٹر) کامن ویلتھ گیمز کے ویٹ لفٹر گولڈ میڈلسٹ نوح دستگیر بٹ نے ویٹ لفٹنگ سے مایوس ہوکر پاورلفٹنگ کا رخ کرلیا۔ وہ اگلے ماہ کامن ویلتھ پاورلفٹنگ چیمپئن شپ میں پاکستان کی نمائندگی کریں گے۔ ویٹ لفٹنگ فیڈریشن حکام کیساتھ اختلافات کی بناپر نوح بٹ کو بین الاقوامی ایونٹس میں شرکت کا موقع نہیں مل رہا تھا۔چار سے تیرہ اکتوبر تک جنوبی افریقہ کے شہر سن سٹی میں نوح بٹ ایک سو بیس پلس کلوگرام کیٹگری میں ڈیبیو کریں گے۔پاکستان کا سات رکنی دستہ تیرہ اکتوبر تک جاری رہنے والی چیمپئن شپ میں میڈلز کے حصول کیلئے کوشاں ہوگا۔ نوح بٹ کیساتھ حال ہی میں ایشین افریقین کمبائنڈ پاورلفٹنگ کی گولڈ میڈلسٹ بہنیں ٹوئنکل، سبیل اور ورنیکا بھی اپنی صلاحیتوں کا مظاہرہ کریں گی۔ حسنین رضا اور عبدالجبار عدنان ماسٹر کلاس میں حصہ لیں گے۔