لاہور(سپورٹس رپورٹر)نیشنل انڈر 17 تائیکوانڈو چیمپئن شپ آرمی نے جیت لی۔ لاہور کے نشتر سپورٹس کمپلیکس کے جمنازیم ہال میں کھیلی جانیوالی تائیکوانڈو چیمپئن شپ میں آرمی نے 7 گولڈ، 4 سلور اور 2 برونز میڈلز جیت کر پہلی پوزیشن حاصل کی۔سندھ کی ٹیم 2 گولڈ، 7 سلور اور 2 برونز میڈلز کیساتھ دوسرے نمبر پر رہی۔ پنجاب کی ٹیم نے 2 گولڈ، 5 سلور اور 1 برونز میڈل جیتا، اْس کی تیسری پوزیشن رہی۔چیمپئن شپ میں لڑکوں اور لڑکیوں نے مختلف کیٹیگریز میں مہارت کا مظاہرہ کر کے اپنی شناخت بنائی۔کھلاڑیوں کا کہنا ہے کہ اس کھیل سے سیلف ڈیفنس کا موقع ملتا ہے ایسے ایونٹس ہونے چاہئیں۔