نوشہرہ ورکاں:اسسٹنٹ کمشنر کا یوسی آفس بڈھاگورائیہ کا اچانک دورہ

  نوشہرہ ورکاں(نامہ نگار)اسسٹنٹ کمشنر کا یوسی آفس بڈھاگورائیہ کا اچانک دورہ،ملازمین چار روز سے غیر حاضر،بتایاگیا ہے کہ اسسٹنٹ کمشنر نویدحیدر نے اچانک بڈھا گورائیہ یونین کونسل آفس کا وزٹ کیا تو یونین کونسل سیکرٹریز قربان علی اور منورحسین سمیت دیگر ملازمین جاوید اقبال اورمحمد یعقوب غیر حاضر تھے جبکہ صرف ایک ملازم امداد علی ڈیوٹی پرپایا گیا غیرحاضر ملازمین کی چار روز سے حاضری رجسٹر پر حاضری بھی موجود نہ تھی اسسٹنٹ کمشنر نے ڈی جی لوکل گورنمنٹ کو غیر حاضر ملازمین کے خلاف کاروائی کے لیے رپورٹ ارسال کردی علاوہ ازیں اسسٹنٹ کمشنر نوید حیدرنے بنیادی مرکز صحت بڈھا گورائیہ کا بھی دورہ کیا اور بی ایچ یو میں عملہ کی حاضری صفائی اور مریضوں کو دستیاب سہولتوں پر اطمینان کا اظہارکیا ۔