فیروزوالہ( نامہ نگار ) ٹریفک کے مختلف حارثات میں خاتون سمیت2 افراد ہلاک اور6 زخمی ہو گئے۔تیز رفتار کار بے قابو ہو کر  دوموٹرسائیکلوں سے ٹکر اگئی ۔ سوار تین خواتین اورایک مردکے زخمی ہو گیا ۔ خاتون زخموں کی تاب نہ لاتے ہوئے دم توڑ گئی۔ پولیس نے  کار سوار نوجوان کو حراست میں لے کرمقدمہ درج کرلیا۔ نوشہرہ ورکاں کے رشیداحمد کے مطابق اسکابیٹاغلام مرتضی اسکی بہنیں آسیہ بی بی،عاصمہ بی بی اوربھانجی عائشہ کے ساتھ رشتہ داروں سے ملکر واپس گھر جارہے تھے کہ راستے میں تیزرفتار کارنے ٹکر ماری ۔ آسیہ بی بی جاں بحق ہوگئی ‘ ایک خاتون کی حالت نازک بیان کی گئی ہے ۔ دوتیزرفتار موٹرسائیکلیں آپس میں ٹکراگئیں‘ 3افراد شدیدزخمی ہوگئے۔ ریسکیواہلکاروں نے  زخمیوں 60سالہ اصغر،30سالہ عثمان اور25سالہ عرفان کو ہسپتال منتقل کیا ‘ معمر شخص اصغر اورعثمان کی حالت تشویشناک ہونے کی بنا پر لاہور کے ہسپتال میں منتقل کردیا گیا ہے۔شرقپور روڈ پرتیز رفتار موٹر سائیکل الٹ جانے سے نوجوان جاں بحق ہو گیا۔