لاہور‘فیروزوالہ (سٹاف رپورٹر‘نامہ نگار)شہر کے مختلف علاقوں میں چوری و ڈکیتی کی متعدد وارداتوں میں شہریوں سے لاکھوں روپے مالیت کی نقدی،طلائی زیورات، موبائل فون،موٹر سائیکلوں اور گاڑیوں سمیت اور دیگر سامان لوٹ لیا گیا۔فیروزوالہ‘ ڈکیتی اور راہزنی کی وارداتوں کے مزاحمت پر زمیندار قتل جبکہ نوجوان شدید زخمی جسے طبی امداد کے لیے ہسپتال داخل کرا دیا گیا۔غازی آباد میں فریاد سے 2لاکھ 12ہزار ‘ موبائل فون‘رائے ونڈمیں مبشر سے 2لاکھ 10 ہزار‘ موبائل فون،راوی روڈ میں اسرار احمد سے ایک لاکھ 80ہزار‘ موبائل فون،ٹبی سٹی میں اشرف سے ایک لاکھ 65ہزار‘ موبائل فون،گارڈن ٹاوب میں فہیم سے1 لاکھ 50 ہزار‘ موبائل فون،شالیمار میں نعیم سے 1لاکھ 30 ہزار‘ موبائل فون،لٹن روڈ میں سبحان سے 80ہزار ‘ فون دیگر سامان لوٹ لیا گیا۔شفیق آباد‘ لوئرمال سے گاڑیاں جبکہ باغبانپورہ ‘لاری اڈہ  اور نواں کوٹ سے موٹرسائیکلیں چوری ہو گئیں۔