لاہور(سپورٹس رپورٹر+ نمائندہ سپورٹس) سلطان اذلان شاہ ہاکی ٹورنامنٹ میں شرکت کیلئے قومی ہاکی ٹیم آج رات کراچی سے ملایشیاء روانہ ہوگی۔ نیشنل ہاکی سٹیڈیم میں جاری قومی ٹیم کا تربیتی کیمپ اختتام پذیر ہوگیا، قومی ٹیم آج شام چھ بجے لاہور سے کراچی جبکہ رات بارہ بجے کراچی سے ملائیشیا کے لیے روانہ ہوگی۔ پاکستان ہاکی فیڈریشن نے ناراض اولمپیئن حنیف خان کا بھی ملائیشیا کا ویزا حاصل کر رکھا ہے اگر وہ کراچی سے ٹیم کے ساتھ نہ گئے تو کرنل (ر) محسن ٹیم کے منیجر کے فرائض انجام دینگے۔ جبکہ ہیڈ کوچ کی ذمہ داریاں خواجہ جنید ہی نبھائیں گے۔