گذری پولیس کا ون ویلنگ کیخلاف آپریشن‘ 40 افراد پکڑے گئے

کراچی (کرائم رپورٹر) گذری پولیس کا ون ویلنگ کے خلاف ایکشن‘ 40 افراد پکڑ کر موٹر سائیکلیں برآمد کر لیں جبکہ کرمنلز کے خلاف کارروائیوں میں 10 ملزمان کو گرفتار کر کے اسلحہ اور منشیات برآمد کر لی۔ دریں اثناء ڈکیتی و اسٹریٹ کرمنل گروہوں کے خلاف کارروائی کے دوران 4 ملزمان بلال‘ عبدالستار‘ فراز عرف بلال اور محمد منصور کو گرفتار کر کے ملزمان کے قبضے سے گن پوائنٹ پر چھینے و مسروقہ 4 موبائل فون‘ 2 پستول‘ 2 میگزین‘ 9 کارتوس اور گاڑیوں سے چوری کیا گیا سامان برآمد کر لیا۔ گرفتار ملزم فراز عرف بلال پولیس کو کئی مقدمات میں مطلوب بھی تھا جبکہ منشیات کے مقدمات میں 2 ملزمان محمد جنید اور نوید احمد کو گرفتار کر کے چرس کی راڈیں قبضے میں لے لیں۔