منڈی بہاﺅ الدین (نامہ نگار) نواحی گاﺅں مرالہ میں گیس فی ری فلنگ کرنے کے دوران سلنڈر دھماکہ سے پھٹ گیا جس کے نتیجہ میں دو افراد جھلس گئے، دو دوکانوں کی چھتیں گرگئیں قریبی عمارتوں میں دڑائیں پڑگئیں ، بجلی کی ہائی ٹرانسمیشن لائن کو بھی نقصان پہنچا، پولیس کی طرف سے کوئی کارروائی عمل میں نہیں لائی گئی، ریسکیو اہلکار نے شدید زخمی ہونے والے دوکان کے ملازم کو ہسپتال منتقل کردیا۔ تفصیلات کے مطابق نواحی گاﺅں مرالہ میں زورداردھماکہ کی آواز سنی گئی لوگ خوفزدہ ہوکرگھروں سے باہرنکل آئے اسی اثناءمیں سلنڈرکی دکان سے بلند ہونے والے آگ کے شعلوں سے معلوم ہواکہ گیس کی ری فیلنگ کے دوران یہ دھماکہ ہوا، جس سے دوکان میں آگ لگ گئی‘ دوکانوں کی چھتیں گرگئیں، دھماکہ اس قدرشدید تھا کہ قریبی عمارتوں کوبھی نقصان پہنچا، ریسکیو نے موقع پرپہنچ کرآگ پر قابو پا لیا شدید زخمی کو ہسپتال منتقل کردیاگیا، لیکن پولیس کی طرف سے اس واقعہ میں ملوث افرادکے خلاف کوئی کارروائی نہیں کی گئی۔
سلنڈر دھماکہ