بھکر (نامہ نگار) امتحانی مرکز میں بھکر ٹریفک حادثے میں جاں بحق ہونے والی6 طالبات کی نشستوں پر پھول رکھے گئے ، ایک منٹ کی خاموشی اختیار کی گئی ۔ تفصیلات کے مطابق بھکر ٹریفک حادثہ میں جاں بحق ہونے والی 6طالبات کا فزکس کا پیپر تھا،حادثے میں جاں بحق ہونے والی طالبات کی یاد میں امتحانی مرکز میں ان کی نشستوں پر پھول رکھے گئے جبکہ طالبات نے ضلع بھر کے تعلیمی اداروں میں ایک منٹ کی خاموشی اختیار کی اور ایصال ثواب کے لیے قرآن خوانی کی گئی۔واضح رہے کہ دو روز قبل بھکر ٹریفک حادثے میں 6 طالبات اور رکشہ ڈرائیور سمیت 7 افراد جاں بحق ہوئے تھے۔