راولپنڈی : بھارتی فورسز نے ایک بار پھر ایل اوسی کی خلاف ورزی کرتے ہوئے راولاکوٹ سیکٹرپربلااشتعال فائرنگ کرکے 3 جوان کو شہید کردیا۔پاک فوج کے شعبہ تعلقات عامہ آئی ایس پی آر کے مطابق بھارتی فوج نے ایک بار پھر لائن آف کنٹرول کی خلاف ورزی کرتے ہوئے راولا کوٹ سیکٹرمیں رکھ چکری کے مقام پر بلااشتعال فائرنگ شروع کردی جس کے نتیجے میں 3 جوان شہید جبکہ ایک زخمی ہوگیا۔
آئی ایس پی آر کا کہنا ہے کہ شہداءمیں صوبیدارمحمدریاض،لانس حوالدارعزیزاللہ،سپاہی شاہدمنصب شامل ہیں۔ تاہم پاک فوج کی جانب سے بھارتی فوج کو بھرپور جواب دیا گیا جس کے بعد بھارت کی جانب سے بھی ہلاکتوں کی اطلاع ہے۔
