پی ڈی ایم اے نےخیبرپختونخوا میں قرنطینہ مراکز کو پچاسی ہزارماسک بھیج دئیے

خیبرپختونخوا میں قدرتی آفات سے نمٹنے کے صوبائی ادارے نے صوبہ بھر میں قرنطینہ مراکز کو پچاسی ہزار ماسک بھیج دئیے ہیں۔پی ڈی ایم اے کے ڈائریکٹر جنرل کے مطابق 20 ہزار ماسک پشاور، 15 ہزار باکو خیل، 10 ہزار خیبر اور ڈی آئی خان ،5 ہزار بنوں، مالاکنڈ اورشمالی وزیر ستان کے مراکز کو بھیجے گئے ہیں۔مجموعی طور پر 13 ہزار حفاظتی لباس،5 ہزار دستانے،5 سو لیٹر کلورین ڈائی آکسائیڈ اور15 سپرے مشینیں محکمہ صحت کو بھیجی گئی ہیں۔صوبے کے عوام معلومات کےلئے ٹول فری نمبر 01700-0800 پر پی ڈی ایم اے سے رابطہ کرسکتے ہیں۔