اعظم کلاتھ مارکیٹ کے بنارس سنٹر پلازہ میں آگ لگ گئی

لاہور(نامہ نگار) اعظم کلاتھ مارکیٹ کے بنارس سنٹر پلازہ میں آگ لگ گئی ، فرسٹ ریسپانڈر فائر ٹیم نے فوری ریسکیو اینڈ فائر آپریشن شروع کیا ۔ اعظم مارکیٹ کے بنارس سنٹر پلازہ میںاچانک آگ بھڑک اٹھی۔ آگ 07 منزلہ پلازہ کے چھٹے فلور پر لگی۔ گودام میں کمبل، شیٹ اور پولیسٹر موجود ہ ہونے کے باعث آگ شدت اختیار کر گئی۔ پلازہ میں ایگزٹ اور انٹری انتہائی چیلنجنگ ہے۔ شدید دھویں کے پیش نظر فائر فائٹر SCBA پہن کے فائر فائٹنگ کر رہے ہیں۔ فائر آپریشن میں 12 ایمرجنسی وہیکل اور 35 ریسکیور نے حصہ لیا۔ فائر آپریشن میں ابھی تک کوئی زخمی یا مسنگ رپورٹ نہیں موصول ہوئی ہے۔اعظم مارکیٹ بنارس سینئر میں لگنے والی آگ پر قابو پالیا گیا۔