لاہور(لیڈی رپورٹر) منہاج القرآن ویمن لیگ کی مرکزی صدر فرح ناز نے ام المومنین حضرت خدیجہ الکبریٰؓکے یوم وصال کے موقع پر کہا ہے کہ خواتین کیلئے دنیا و آخرت کی کامیابی آپؓ کی سیرت مقدسہ پر عمل پیرا ہونے میں ہے۔ آپؓ پارسا، جوہر شناس، اعلیٰ پائے کی منتظم اوررحم دل خاتون تھیں۔ ان کی تجارت کی شام سے یمن تک شہرت تھی۔ ڈاکٹر فرح ناز نے کہا کہ حضرت خدیجہ الکبریٰ ؓ نے اعلان نبوت کی خبر سب سے پہلے سنی اور تصدیق کی، آپ کو دنیا کی پہلی مسلمان خاتون ہونے کا شرف بھی حاصل ہے. حضرت خدیجہ ? تمام مسلمان خواتین کے لیے رول ماڈل ہیں، وہ ایک بہترین ماں، تاجرہ، شریک حیات اور مسلمان تھیں، انہوں نے مزید کہا کہ آپ نے بطور تاجر وہ نام کمایا جو کسی اور کے حصے میں نہیں آیا، حسن تدبیر، دیانتداری میں وہ اپنی مثال آپ تھیں، آپ رضی اللہ عنہا کے تجارتی قافلوں میں عیسائی اور یہودی ملازم بھی شامل تھے مگر وہ سب سے منصفانہ برتاو¿ کرتی تھیں۔