کراچی‘دادو(آئی این پی ‘ نوائے وقت رپورٹ) مختلف حادثات میں 6 افراد زندگی کی بازی ہار گئے۔ تفصیلات کے مطابق کراچی میں نیشنل ہائی وے کے قریب ہائی ایس وین اور ٹرالر کے درمیان تصادم کے نتیجے میں 4 افراد جاں بحق ہوگئے۔ افسوس ناک حادثہ اس وقت پیش آیا جب نیشنل ہائی لنک روڈ پر تیز رفتار ہائی ایس وین مخالف سمت سے آنے والے ٹرالر سے ٹکراگئی ۔ تصادم میں 2 افراد موقع پر ہی جاں بحق ہوگئے جبکہ چار زخمی ہوئے ۔ ہسپتال میں دوران علاج مزید دو افراد چل بسے۔ جاں بحق ہونے والوں کی شناخت اللہ ڈنو ، شاہد ، حنا اور فاروق کے نام سے کی گئی ہے۔ سندھ کے علاقے مہیڑ میں انڈس ہائی وے پر پولیس موبائل نے موٹرسائیکل کو ٹکر مار دی۔ پولیس کے مطابق حادثے میں موٹرسائیکل پر سوار دو افراد موقع پر جاں بحق ہو گئے۔
حادثے