آنکھیں چہرے کی خوبصورتی ، زندگی میں روشنی کا مرکز ہیں:پروفیسر الفرید ظفر 

لاہور(نیوز رپورٹر)پرنسپل پوسٹ گریجویٹ میڈیکل انسٹی ٹیوٹ پروفیسر ڈاکٹر سردار محمد الفرید ظفرنے کہا ہے کہ آنکھیں انسانی چہرے کی خوبصورتی کا پیمانہ اور روزمرہ زندگی میں روشنی کا بنیادی مرکز ہیں۔ لہٰذا کسی کی آنکھوں کو روشن رکھنا خدمت خلق کی اعلیٰ ترین اقدار میں شامل ہے اور ایسے معا لجین کی خدمات لائق تحسین اور قابل ستائش ہیں۔ان خیالات کا اظہار پروفیسر الفرید ظفر نے پروفیسر محمد معین کے اعزاز میں منعقدہ الوداعی تقریب سے خطاب کرتے ہوئے کیا۔ پروفیسر محمد معین نے دکھی انسانیت کی بہترین خدمت،مریضوں کی فلاح و بہبود کیلئے فلاحی اقدامات،میڈیکل سٹوڈنٹس کی درس و تدریس و اور ادارے کی ترقی میں اہم کردار ادا کیا جن کی خدمات کو تادیر یاد رکھا جائے گا۔