لاہور(سپورٹس رپورٹر)نیوزی لینڈ کے خلاف ہوم سیریز کیلئے قومی ٹیم کے انتخاب کیلئے سلیکشن کمیٹی آج کپتان بابر اعظم سے مشاورت شروع کرے گی۔ کپتان کی چیئرمین پی سی بی محسن نقوی سے بھی ملاقات ہوگی۔ اس کے علاوہ نیوزی لینڈ کے خلاف روٹیشن پالیسی اپنانے کا فیصلہ کیا گیا ہے۔ سیریز کیلئے قومی سکواڈ کے اعلان کیلئے قومی سلیکشن کمیٹی جو ان دنوں کاکول میں ہی موجودہے۔بابر اعظم سے آج مشاورتی عمل کا آغاز کریگی۔  5 میچز کی سیریز کیلئے 17 سے 18 کھلاڑیوں کو اعلان جلد کیا جائے گا۔ ان ہی میں سے ٹی ٹوئنٹی ورلڈ کپ کیلئے ٹیم کا اعلان ہو گا۔ فاسٹ بولر شاہین شاہ آفریدی کو روٹیشن پالیسی کے تحت کھلایا جائے گا۔