فیصل آباد (نمائندہ خصوصی) ایف آئی اے  نے حوالہ ہنڈی اور انسانی سمگلنگ میں ملوث چھ ملزموں کو حراست میں لے لیا۔ ایف آئی اے نے امین پور بازار، مجددی پارک، گوجرہ اور ساہیوال میں چھاپے مار کر ملزموں وہاب رفیق، احسن علی، قدیر احمد، ذیشان طارق، امیر حمزہ اور وسیم اقبال کو گرفتار کر لیا۔  ملزم احسن علی اور وہاب رفیق حوالہ ہنڈی میں ملوث پاے گئے۔ دو موبائل فون، پانچ لیجر، ملکی و غیر ملکی کرنسی اور حوالہ ہنڈی سے متعلقہ ثبوت برآمد ہوئے۔ ملزم قدیر احمد جعلی ویزا اور سفری دستاویزات بنانے میں ملوث پایا گیا۔ ملزم کے قبضے سے چھ پاسپورٹ، چھ پرتگال کے جعلی ویزوں کے علاوہ پولینڈ اور یوکرائن کے جعلی ویزے بھی برآمد ہوئے۔ ملزم سادہ لوح افراد سے بیرون ممالک ملازمت کے نام پر لاکھوں روپے ہتھیا چکا۔